Февральданул 21-нний Дагъусттаннал бакIчи МахIаммадссалам МахIаммадов ва республикалийн увкIсса Аьрасатнал ФСБ-лул директорнал хъиривчу, Аьрасатнал Террорчишиврийн къаршисса комитетрал аппаратрал каялувчи Владимир Кулешов лавгунни Дарбантуллал райондалий Белижа шяравусса къаралданул ва щаллушиннарал группа ххал бан.

2012 шинал февральданул 22-нний хьунни Дагъусттан Республикалул Халкьуннал Мажлисрал 10-мур сессия. Сессия бачин бувну ия республикалул парламентрал Председатель МахIаммад-Султан МахIаммадов.

Май зуруй Дагъусттаннал Хъаннил советрал тIайла дуркссар «Единая Россия» партиялул Председательнал цIанийсса телеграмма, жунгу хъунмасса гъира бур ва давривух хIала-гьурттуну зун-занан ччай буру, тIисса.

Чил билаятирттай аьрали бурж лахълай бивкIсса Дагъусттаннал дяъвилул иширттал ветерантурал хIукму бунни март зуруй хьунтIисса бувчIавурттай Владимир Владимирович Путиннухлу чIу булун.

Аьралуннаву къуллугъ бувну бувкIсса Дагъусттаннал жагьилтал мудангу буслан бикIай аьралуннал хIаписартуран, частирдал командиртуран Ккавкказнавасса саллатI къаххирар, миннахун бахчинсса багьана ляхълан бикIай тIий. Командиртурах вичIи диширчарив, ми бур аьралуннавусса циняв низам лиявуртту ва питнарду мютIи бакъасса Ккавкказуллал жагьилтурацIун дархIусса дур, миннал авара буллай бур командирталгу, дужжагьирайн кIурабаян буллай бур махъми саллатIнал оьрмугу тIий.

Февраль зурул 20-нний Дагъусттаннал МахIачкъалаллал техникалул колледжрал (цил ректорнугу жула лаккучу, ШавкIратусса ХIасан Айгунов усса) мукьра отделениялул студентътал бавтIун бия конференц-залданувун. Зал щапI куну бувцIуну бия. Ва батIавугу хас дурну дия хьхьичIрасса Совет Аьралуннал байрандалун, цIанарив Ватан дуруччайминнал Кьинилун.

Февральданул 21-сса кьини щалла дунияллий, ООН-далул хIукмулийн бувну, кIицI дайссар Ниттил мазурдил кьинину. Аьмну щалла дунияллий гьантлун кIива маз бухлагайсса бусса бур. ХIакьину-гьунттий Дагъусттаннал миллатирттал мазру бухлагаврил нигьачIишиву ялун къачIалайнугу, ялунбучIантIимуниву му тагьардануву жулва мазругу къалякъинтIишиврийн умуд бишин сислай бакъар мазурдиха зузисса аьлимтал ва элмулуву зузисса хасъсса пишакартал.

Школардай лакку мазрал дарсру дишаврил тагьар цуксса бигьа дакъасса духьурчагу, тамансса бур учительталгу ми дарсру оьрчIан ххира хьунсса куццуй, лавайсса даражалий дихьлахьисса. Мукунсса учительницахъул бур ЦIуссалакрал райондалиймур Чапаевкаллал школалий лакку мазрал ва литературалул дарсругу дихьлай, завуч-организаторнугу зузисса Апаннинал душ Сагъират МахIаммадовагу, Новостройрайсса Шушиннал школалий зузисса Исял душ Багъирчаева Умаматгу.

ЦIана куннасса хIалтIилухун наними щябикIан-гьансса машинарттал илкиншиву, хIалушивугу къадикIайва. Куннай кув щябивкIун тIиссакссагу бачайва Лаккуясса чIиви автобус, мугу Щурагьун бияннин. Гиччая яла цамур автобусрай ягу поездрай МахIачкъалалив лагайсса. Жунгу мукун бачин багьуна бузлул ва халкьуннал бувцIусса чIиви автобусрай. Таний армиялия лаикIлакIаву кьадаршиврун ккалли дувайва. Бивунав жугу цал Буйнакскалийн (Щурагьун), яла гичча поездрай МахIачкъалалив.

ДакIний битияра, муххал ххуллул переезд му ххуллул яла нигьачIаву думур бутIа бушиву! ЛичIлулну, мугъаятну бикIияра переездрайх нанисса чIумал! Дуруччияра ххуллул низамрал тIалавшиннарду! ШупIирнал ххуллул низам къадуруччаврил чIявусса инсантал оьрмурдацIа буллай бур. Ппив хъанай бур зула машинартту, зарал биллай бур поездран. ДТП сававну бюхъайссар му кIанттурдай цIу лачIун, пIякь учаву хьун.

Февраль зурул 15-нний МахIачкъалалий «Фокус-медиа» тIисса социал иширттал ва цIуллу-сагъшиву дуруччаврил фондрал Дагъусттаннай ккаккан дунни цалла цIусса проект. Ва фондрал гьашину Ухссавнил Ккавкказнавусса мукьра республикалий дайдирхьунни «Каждый ребенок имеет право» тIисса оьрчIал ихтиярдая бусласисса кампания. Му проектрал хьхьичI бавцIусса агьамми масъаларттая бувсунни фондрал вакилтурал.

Ларгсса нюжмар кьини Лакрал райондалий хьунни ялун нанисса билаятрал Президентнал бувчIавурттал хьунийнсса агьалинащалсса хьунабакьаву. Муний гьуртту хьун бувкIун бия Аьрасатнал Федерациялул ХIукуматрал хъунама, «Единая Россия» партиялул хъунама Владимир Путиннул чул бувгьуми: ДР-лул Президентнал вакилну - экономикалул министр Марат Илиясов; экономикалул министерствалул управлениялул хъунама Загьиди МахIмудов; ДР – лул пенсионертурал союзрал хъунама АьбдурахIман МахIаммадов.

Февральданул 9-нния 12-нин Орел шагьрулий хьусса миксфайт (ММА) журалийсса (кьяйдарду дакъасса дандибуккавурттур) СНГ-лул ва Балтиканал билаятирттал чемпионатрай хьхьичIунсса кIанттурду бувгьунни Аьрасатнал лайкь хьусса тренер Аьбдулкерим Айгуновлул тарбия буллалисса оьрчIал. Ххув хьунни МахIачкъалалиясса лакку оьрчI МахIаммад Чанкаев (70 кило) ва ссурхIиричу Муслим Муслимов (75 кило).

Цумацагу инсан, цалва пишалул даврил буржру дакI марцIну биттур буллай ухьурчан мунал кьадру-кьиматгу, хIурматгу лавайсса бикIай му зузисса идаралул коллективравугу, агьалинал дянивгу. Ца мукунсса, лавайсса хIурматран лайкьсса инсанная бусан ччай бур ттун ттулла макьалалуву. Ихтилат Ккуллал райондалийсса Гигиеналул ва эпидемиологиялул центрданул филиалданул фельдшер-лаборант Абакарова Мариян Закариянал душниятуссар

Ва батIаврий гьуртту шинна дунни шяраваллал администрациярттал бакIчитурал ва вайннал заместительтурал, райондалул идарарттал ва сакиншиннардал каялувчитурал, школарттал директортурал, учительтурал, медициналул ва культуралул зузалтрал, шяраваллал интеллигенциялул чулухасса вакилтурал, райондалул собраниялул депутатътурал ва райондалул администрациялул жаваблувсса къуллугъчитурал, СМИ-лул зузалтрал.

Феврал зурул цалчинсса гьантрай хьусса, Ккуллал райондалул собраниялул депутатътурал ирглийсса сессия ххалбигьлагьисса тамансса масъаларттал дянив, хъинну агьамшиву дусса, райондалул агьалинал оьрму 2012 шинал ххуйшаву мурадрайсса масъала бия райондалул инвестиционныйсса программа цIакь даврил масъала, яъни райондалий дуллансса объектирттал строительствалул программа цIакь даврил масъала.

МусахIажи увну ур 1939 шинал Хъунайннал шяраву, Саадул ва Ханичал кулпатраву. МусахIажинащал на кIул хьуссара 1960 шинал Лаккуй. Гай 50-60-ку шиннардий Лаккуйсса чIяруми шяраваллурду сагъну дикIайва, колхозраву зузиминнал маэшат ххуйсса бия, гьарца шяраву бия изба-читальнярду. Жул шяраву Хьуривгу ххуйсса клубгу, гиккува изба-читальнягу бикIайва, ттигу буссар.

Уттигъанну, январь зурул махъра – махъсса кьинирдай, ахиратравун лавгунни жул Вихьуллал шяраваллил Салтулавхъал тухумравасса, ххаллилшиврулгу га яла хьхьичIмур ххуттай ивкIсса ХIасаннул арс МахIаммад. МахIаммадлул щалва цалва оьрму харж бувуна «Ильичлул чани» жула къатравату чан хьун къабитансса давурттал ялув авцIуну.