Майрал 16-нний ДР-лул Президентнал дунни патирдал (гостиницардал) индустрия лядуккан даврил масъаларттан хасъсса совещание. Тиккун оьвкуну бия ДР-лул ХIукуматрал Председательнал хъиривчу Мухтар Мажидовлуйн, ДР-лул аьрщарал ва хъуслил иширттал министр Сефер Аьлиевлуйн, ДР-лул Туристшиврул агентствалул каялувчи Анатолий Карибовлуйн ва цайминнайн.

Майрал 15-нний «Джами» гостиницалий ДР-лул Президент МахIаммадссалам МахIаммадов хьунаавкьунни Китайнал Халкьуннал Республикалул бизнес-делегациялущал. Тикку гьуртту хьунни мукунма ДР-лул ХIукуматрал Председательнал хъиривчу Мухтар Мажидов, ДР-лул Президентнал ва хIукуматрал Администрациялул Каялувчинал 1-ма хъиривчу Мусалан Тагьманов, ДР-лул аьрщарал ва хъуслил иширттал министр Сефер Аьлиев ва цаймигу.

Вай гьантрай МахIачкъалалив, Аьрасатнал Правовой академиялул Ухссавнил Ккавкказуллал филиалдануву хьунни, ДР-лул МВД-лул министр Аьвдурашид МахIаммадов бакIчисса, виваллил иширттал министерствалул вакилтурал студентътуращалсса хьунабакьаву. Шикку гьуртту хьунни экономикалуцIун дархIусса тахсиркаршивурттащал талатисса Управлениялул ва экстремизмалущал ва терроризмалущал талатисса подразделениялул зузалт, академиялул директор Багавдин МахIаммадов.

Майрал 17-нний МахIачкъалалив ХIукуматрал къатраву хьунни республикалул политикалуву, экономикалуву, магьирлугъраву, цIуллу-сагъшиву дуруччавриву, кIулшивуртту дулавриву, элмулуву, строительствалуву, гидроэнергетикалуву ва жяматийсса давриву чIярусса шиннардий дакIнийхтуну зузисса пишакартуран Аьрасатнал Федерациялул ва Дагъусттан Республикалул ларайсса наградартту ва хIурматрал цIарду дуллалисса батIаву.

Майрал 9-нний Дагъусттаннайн увкIуна дзюдорал Аьрасатнал цачIундур командалул хъуна-хъунама тренер, 1980 шинал Олимпий тIуркIурдал чемпион Эцио Гамба. Га жучIана учIаврил хъунмур мурад бия Лондоннал Олимпиадалул хьхьичI цува уруган, цукун хIадур хъанай бурив шиккусса татамилул усттартал.

Вай гьантрай жува кIицIлагарду билаятрал яла бюхттулмур ва ххаримур байран - дунияллий яла оьттул ттур дуркмур дяъвилий Ххувшаву ларсъсса кьини. 27 миллион совет халкьуннал оьттух ларсъсса Ххувшаврил кьини. Мукьал ва ххаришиврул дурцIусса кьини. Дунияллий ххишала дяъви къахьунтIишиврийн совет халкь кьянкьану вихшала дишин бувну бивкIсса кьини.

Ххувшаврил кьини ЧукIуннал шяраву хьунни милицанал подполковник, Аьрасатнал Виричу Гъаппал ХIажиевлун гьайкал дацIан дуллалисса шадлугъ. Муний гьуртту хьунни «Лакрал район» МР- данул бакIчи Юсуп МахIаммадов, Виричунащал архIал зий бивкIми, ЧукIуннал ва Кьубиял шяраваллал жямат, мачча-гъанми.

Дяъви ккавксса, дяъвилул шинну кIулсса инсантал мудангу бикIай та чIумалсса совет халкьуннал патриотизмалия буслай. Муна му гужну Ватан ххирашиврулли жущава цимилагу ххишалану ярагъуннил балгусса немецнал аьрал ххит бан бювхъусса тIун бикIай. Мукун бугу бухьунссар.

Ва кьини ва школалул оьрчIал жяматийсса «Аметхановцы» организациялувун кьамул буллай бия 2-мур классрал дуклаки оьрчIру. Шадлугъ хьунни АхIмадхан Султаннул цIанийсса музейраву. ЦIакь хьусса аьдатрайн бувну, ва шадлугъравух гьуртту хьунни виричунал гъан-маччами ва школалул шефталсса «Дагестанские Авиалинии» ОАО-лул вакилтал.

Махъсса ппурттуву жу «Илчилий» чIявуну чичлай буру Дагъусттаннал УКАДО-каратерал цачIундур командалул хъуна-хъунама тренер Аьбдулкарим Айгуновлул тренер хIисаврай дуллалисса хьхьичIуннайшивурттая ва тIайлабацIурттая.

Нава аьрзачинан ккалли уванссара тIий, ягу нава жяматравух къаакьайсса инсаннан ккалли анссара тIий, хъунмасса хIаллай ссавур дуллай уссияв, амма утти ттулагу, ттулва кулпатралгу бакIрачIан букIлакIимур зухь букъавсун ссавур къахъанахъир.

Гьашинусса апрель барз цила шамилчинмур бутIул чулинмай буруглан бивкIсса кьинирдай, ттун бахтти хьуна Вихьуллал дянивмур даражалул школалул арулчинмур классрал оьрчIащал экскурсиялийн гьан. Вай оьрчIру экскурсиялийн бувцуну га кьини най ия вайннал классрал каялувчи – мукьцIалуннивун дирсса шиннардий учительну зузисса Чаринов Чарин ХIасаннул арсгу.

Шинну наниссаксса та дяъвилий талай бивкIминнал кьюкьри ххялтIа дукларчагу, цалла Ватан ххирасса, ветерантурал бувмунил кьадру-кьимат кIулсса патриотътурал хIарачатрайну кIул хъанай бур дяъвилий талай бивкIминная, дяъвилул цIараву жанну дулун кьисмат хьуминная, ва миннал къучагъшивурттая цIу-цIусса затру. Гьарица шяраву бур шяраваллил жяматрал пахрулунсса цалва-цалва вирттал. Миннал цIарду уттара дуллалисса гьайкаллугу дур сайки циняв щархъаву.

Майрал 5-нний МахIачкъалалив Автодорожный колледжрал актовый залдануву хьунни жула лакку оьрчI, ларгсса шинал сентябрьданий, захIматсса азаруннища ххассал къавхьуну, аьпалул хьусса ЦIущарниятусса МахIрам Аьбдуллаевлул цIанийсса ихIсаниятрал фонд тIитIлатIисса батIаву. Мунивух гьуртту хьунни МахIрамлул гъан-маччами, дустал, ванащал архIал Автодорожный институтраву ( Москавуллал ПаччахIлугърал технический университетрал МахIачкъалаллал филиал) дуклай бивкIми ва жагьил ххассал уван кумаг буллай бивкIми.

Апрель зурул зувинний Карашрал шяраву хьунни, биялсса жяматгу бавтIсса, бусравсса мажлис. Му мажлисрал хъунма сававчинугу ия щарнил дянив цIа дусса, чIявусса цайми-цайми лакрангу кIулсса, тIайлабацIу буну хьхьичIуннай нанисса бизнесрал заллу, ишбажаранчи АьлихIажинал арс Аьлиев Аьвдуссамад.

Яла-яла ссал махIаттал бувру учирча, оьрмулий цалчин ххал хъанахъисса жул цаппара зузалт Рамазаннун кIулну бия гьарца нюжмардий интернетрава лавсун, чагъарданий бищайсса цанма ххирасса кказитрайхчIин. Цаппара номерду Рамазан лавсун увкIунни редакциялийнгу. Ва ур кказит буклай цалчинмур номердания шихунайсса «Илчилул» минахур, букку.

Мяйжанссар, шиная шинайн дяъвилул ветеранталгу чан хъанай бур, бумигу, бугьара хьуну, къашавай буну, махъсса шиннардий ми батIавурттавух гьурттушинна дуван бюхълай бакъар. Мукун бунагу, ГьунчIукьатIрал ккурандалул хIарачатрайну, агьали батIай. Кувний ми батIавурттай халкь чансса бикIай. Мунин сававгу шай, цукуннив махъсса шиннардий ГьунчIукьатIрал чIявусса бивкIурду хъанай бур.

Ци-бунугу 2-мур бутIа ттуву ххуйсса бухьурча, му ттуву загьир бувсса бутталли. ОьрчIний хьхьичIва-хьхьичI бутталъя ттухь бувккусса А. Пушкиннул магьри ва А. Бартол шеърирду. Ппу ия «морж», мунал жунгу мюрщину бунава гьузун лахьхьин бувна, ххира хьун бувна спорт.

Цель конкурса на соискание грантов Президента Республики Дагестан в области общественной деятельности – государственная поддержка деятельности общественных объединений республики, (юридических лиц), зарегистрированных на территории Республики Дагестан, физических лиц, самостоятельно осуществляющих общественно полезную деятельность, которая по своему содержанию и планируемым результатам соответствует социальным приоритетам Правительства Республики Дагестан.

2002-ку шинал майрал ахирданий жулла республикалий гьартану, ларайсса сакиншиндарал тагьарданий кIицI ларгуна «хъинну хъунасса ва хьхьичIунайсса жяматийсса ва политикийсса ишккакку Ибрагьиннул арс ХIавинахъал Саэд ниттил увну 120 шин шаврил юбилей». Республикалул хъуншагьрулий МахIачкъалалий ва Саэдлул буттал миналий Гъумук хьуна аьлимтал, чичулт, хIукуматрал хъуними, юбилярнащал кIулну бивкIми, гъан-маччами, чIявусса лакрал агьали ва хъамал гьуртту хьусса лахъа-хъуншиврул мажлисру, юбилейран хас дурсса элмийсса конференция.

МахIатталшиву му дакъарив, тIабиаьтраву гьарзат цIулаглай, кIинтния интнийн дуклай, ущу-щулгъи, къакъагума бакI гьаз дурну ххари хъанахъисса чIумал, бургъия тIааьн ласласисса ппурттуву, жуватувасса чIявуми аьтIутIи буллалисса, аьнчатIи буллалисса, яру оьтту-ххяллари бичин буллалисса, чурхру щаваххан буллалисса интнил аллергия сукку хъанай, инсантал чун бухханссарив къакIулну бикIаву.